Smá updeit )

Við erum nú lítið búin að aðhafast undanfarið en eitthvað gert samt. Síðustu helgi vorum við hjónaleysin að vinna alla helgina, ég á Rauða Húsinu og Össi að leigubílast. Það er ágætt að taka smá skorpu þessa dagana því við Össi erum að fara til Katalóníu næsta mánudag, ohhh það verður alveg yndislegt, smakka smá af bjór og reka nefið inn í HM,

Prinsinn verður í góðu yfirlæti hjá afa Gunnþóri og ömmu Betu. Þetta verður í fyrsta skipti sem við Össi erum bæði frá honum í þennan tíma.(samt ekki langur tími, i know ) Að sjálfsögðu fær svo prinsinn skemmtilega gjöf frá okkur þegar við komum tilbaka, svona til öryggis ef hann verður illa sáttur.(nei nei segi svona) hann verður bara feginn að losna við okkur í nokkra daga.

Jólin...jólin....eru að bresta á...úfff, aðeins 13 dagar í aðventuna. Æ vitiði ég hlakka bara ágætlega mikið til, allavega búin að ákveða það að jólaskrautið verður tekið niður í þessari vikur og jólahreingerningin verður tekin með prompi og prakt næstu helgi. Þá verður sko allt tilbúið undir skreytingar þegar við komum heim jamm sniðugt ekki satt "skreytum hús með grænum greinum fallalalalafallalalaaaa"

Já þá er komið að því.......the Mopar er til sölu....fyrstur kemur fyrstur fær en það er ekki þar með sagt að við séum hætt þessu sporti, þvert á móti því að annar bíll er væntanlegur til að taka sæti þess Hvíta, meira um það síðar....muuuhahahhahah

Annars læt ég þetta duga núna, þangað til næst

kveðja Lóló

p.s ég er búin að bæta inn nokkrum myndum inn á síðuna hans Sindra Þórs

Er búin að vera miklu duglegri á síðunni hans Sindra, en svona er lífið.

Enn á ný erum við fjölskyldan "flutt" á Engjaveginn til pabba, en hann lenti í því í fyrrinótt að það leið yfir gamla , beint á sturtuna ( Össi er sko búinn að laga hana) Sem betur fer þá vöknuðu tvillingarnir við höggið og náðu að vekja gamla og koma honum í rúmið, hringdu svo í mig, ég rauk auðvitað af stað og við systkinin hringdum á sjúkrabíl. Tvillingarnir eiga sko hrós skilið, þau stóðu sig svo vel.                                                                                     Kallinn er núna á spítalanum í Babylon. Við vonum að hann fái að koma heim á morgun en það fer alveg eftir hvernig gengur í aðgerðinni í dag.  Þannig að nú er komið að því að bíða eftir að hann fari á Reykjalund og þá "flytjum" við aftur yfir og svo ætlar Randý frænka líka að koma svona til að gefa okkur smá pásu.   Það er nefnilega nóg að gera á svona stóru heimili, ég og Össi og börnin 5 en alltaf er gaman

Eftir Reykjalundinn, þá verður hann sko nýr og hraustur maður

Við Össi ætlum að skella okkur í víkina um helgina með nýjasta djásnið okkar og ætlar hann aðeins að "prufu"keyra það þar......þið verðið bara að skella ykkur austur ef þið viljið berja það augum muuhahahhah     ÁFRAM ÖSSI

Sindri Þór ætlar að vera í góðu yfirlæti hjá ömmu Kötu og afa Gunna í Reykjavík. Hann getur sko ekki beðið.

Ég læt þetta duga í bili

Þangað til næst  Lóló

Nokkrar myndir komnar

Einnig búin að opna síðu fyrir Sindra Þór Á Barnaneti, í lykilorðinu er fyrsti stafurinn stór

kveðja Lóló

jæja þá er ég komin aftur

Smá uppdeit.....

Ég er komin í alveg frábæra vinnu, semsagt hætt hjá GT og byrjuð að vinna hjá SET á Selfossi, er þar í móttöku og afgreiðslu, very nice, nóg að gera og tíminn flýgur.... yndislegt alveg

Við litla fjölskyldan skelltum okkur í réttir um sl. helgi og var það alveg frábært, fórum á föstudagskvöldi og gistum í Bjálkanum, takk fyrir gistinguna Elli minn fengum geggjað veður í réttunum , 18°c hita og glampandi sól, sem er æði eftir að búin að vera í rigningu í langan tíma.                                     Mikil stemmning var eins og venjulega, meiraðsegja fékk ég Mjölluna til þess að droppa við og kasta kveðju á okkur, en hún átti hvort sem er erindi austur,, var í bílaviðskiptum... TIL HAMINGJU MEÐ PATTANN snúllan mín                       Eftir að var búið að draga allt féð þá var haldið af stað fótgangandi               (um kl 13) sem leið lá til Ömmu í sveitina, bílar voru nú með í för, þannig að það var hægt að setjast inn og hvíla sig aðeins. Ég gekk nú nánast alla leiðinni og endaði með stærstu blöðru á hæl sem ég hef á ævinni séð   En gaman var þetta, Sindra Þór fannst svo gaman að hlaupa á eftir kindunum, hann varla gekk bara hljóp. hehe Við vorum að lenda í sveitinni um 16:30 og fengu sér allir þá gott að borða , Kjötsúpu, mmmm æðislega góð..

Skelltum okkur svo heim seinni partinn því Örninn var að fara á tónleika með Chris Cornell.. sem var víst alveg feiknargaman.

Jæja nú er veturinn að fara að skella á, djö.. er kalt, það hlýtur að fara að byrja að snjóa bráðlega allavega ætlum við að fara í haustferðina með suðurlandsdeildinni 21.sept. nk og verður farið í Jökulheima og Nýja Dal, vonandi fáum við smááá snjó...höldum í vonina

Ég vil óska Kristjáni og Unni til hamingju með drenginn, og einnig Maríu og Ægi með sinn frumburð (hennar ) Knús og kram til ykkar

Og talandi um að tíminn gjörsamlega fljúgi framhjá manni, en litla barnið mitt byrjaði á stóru deildinni núna í Ágúst, eins og hann segir "ég er ekki á leikskóla, ég er á Kringlumýri" Já svona eru þessi börn fljót að stækka, hann verður komin í skóla áður en ég veit af...

Jæja nú ætla ég að hætta þessu bulli og fara að gera eitthvað.... vonandi  líður ekki svona langt þar til að ég skrifa næst..   fer líka alveg að setja inn myndir.

Over and out                                                                         Lóló

já það er bara verið að pressa á mann að skrifa.....

Ohhh lífið er dásamlegt núna, er í sumarfríi og hef það just wonderful  fyrir utan eitt stykki kallaleysi, jamm Örninn er að keyra þessa yndislega frakka núna og er væntanlegur heim á miðvikudaginn í næstu viku... og það verður gott að sjá kallinn... á meðan þá dúllum við okkur mæðginin,  við skelltum okkur austur í sveitina um daginn og vorum þar í nokkra daga... fórum á rúntinn á fjórhjóli.... DjÖ... ég var næstum því búin að gleyma hve gaman er á þessum tryllitækjum. .. já ég panta eitt svoleiðis hér með Hver er með í því já ég spyr HVER þorir...ég veit reyndar að Mjallan mín er alltaf til í svoleiðis geim ekki satt

En nóg með þesskonar tæki.... er að skella mér aftur austur á bóginn á morgun, en ekki eins langt aðeins til Víkur, sem er náttúrulega bara gaman. Við Mjallan mín ætlum að fara og hafa það æðislegt í nokkra daga áður en tjaldsvæðið  fyllist af frábæru fólki sem er að hittast og halda Sumarhátíð F4x4, en deildin í Vík er með skipulagningu á henni, sú deild nefnist 4x3 á flugi og í henni er auðvitað bara frábært fólk eins hinum....já ég skil engar útundan                                                                                                                     Ætli við kellur förum ekki bara á þeim Hvíta fallega því minn kæri Volvo er farinn að ískra á mig og því set ég hann í skammarbílastæðið og hef hann þar þangað til að minn kæri kemur heim og segir að það sé EKKERT að honum...þetta er bara útvarpið mín kæra..... djö... væri það Typical fyrir mig en allur er nú varinn góður...svo er bara gaman að mæta á Grandinum því þetta er nú einu sinni Jeppahátíð fjölskyldunnar Og ekkert er nú betra en tvær kellingar á pinnahælum ásamt barni í svaka fínum jeppa er það ekki annars.

 Já svei mér þá...það er kominn svefntími á mig...ég þarf að vakna snemma til að vekja hana Írisi, því eitthvað var hún að tala um að sinna kallinum í kvöld og ef við ætlum að fara austur þá þarf ég að byrja að hringja snemma

Þangað til næst Lóló Jeppadama

Sæl og blessuð þið sem eruð að kíkja hér inn annaðslagið

Haldið ekki að Örninn sé ekki hættur á toyota, hann ákvað að stefna að öðru hér eftir, er núna í rúma viku að keyra Taxa í Babýlon, þannig að þið sem lendið í vandræðum með að komast heim eftir langt djamm þessa daga þá held ég að það sé óhætt að bjalla í kallinn gott að komast save heim ekki satt, losna undan þessum sægó sem gætu legið í laumi     OGGG svo er bara stefnan tekin í sumar á fjöllin að keyra útlendingana þannig að ég verð þá bara grasekkja í sumar

Ég fór að vinna á Rauða Húsinu í gær eftir soldið langt hlé og var það bara asskoti fínt, mikið að gera og þá er alltaf gaman, hlaupa upp og niður stiga, again and again and again..... má nú ekki kvarta mikið undan því, það er víst svaka gott fyrir rass og læri, þannig að ég held að ég verði bara þar næstu helgar...

Ég fór í dag með minni yndislegu Írisi og mínum yndislega syni, Sindra Þór á sjómannadagsfjör á Stokkseyri (já ég veit ég sagði Stokkseyri ) Og við tókum mína yngstu bræður með, Skafta og Gunnar, og var það heljarinnar fjör, þeir léku sér í fjörunni og skemmtilegast var að finna skeljar og henda sandi í sjóinn, svona auðvelt er að vera barn í dag   Og svo enduðum við á því að kíkja aðeins á Eyrarbakkafjöru og það var nú gaman líka ( er það  ekki Íris mín ) kannski eins og þið mörg vitið þá á Íris stórann & þungan bíl á ónýtum dekkjum, ok hann var aðeins að stríða okkur, ég held að hann hafi bara ekkert haft áhugann á því að fara aftur á malbikið því í sandinn hann gróf sig og í sandinum vildi hann vera   en ýmis eru kvennaráð....teknar voru motturnar úr bílnum og þær settar undir afturdekkin og kabúmm, kagginn laus..... Jamm við kellur deyjum nú ekki ráðalausar EN Íris mín segðu nú kallinum að fá sér almennileg dekk

En planið fyrir vikuna er rólegt er reyndar að fara í babýlon og ætla að hitta kjálkalækninn minn og ég sver það ég fer að gefa honum einn á hann ef þetta kemst ekki strax í lag, þetta er að verða ansi þreytandi.....reyndar einn kostur fyrir alla hina...ég tala minna

Ég heyri í ykkur síðar elskurnar

Hafið það gott

Kveðja Lóló

ÉG sver það..´þetta er í 3 sinn sem ég er að reyna að skrifa eitthvað inn á þessa bévítans síðu... en neiiii þá gerist eitthvað í fyrra skiptið ýtti ég á einhvern takka (sem by the way, átti EKKI að vera þarna) og allt hvarf......nú og síðara skiptið þá var ég búin að skrifa nánast heila ritgerð (mætti halda að þetta hafi verið lokaritgerð í BA gráðu something) enn þá sló út.....

En núna er ég búin að róa mig niður og þetta eftirfarandi hef ég bara að segja í bili

Í gærkvöldi voru kallarnir úti að smíða í snjókomu og éljagangi ....hvað er með þetta veðurfar...átti ekki að vera komið sumar....það er þá eins gott að sumarið verði  gott    En þetta er sko allt að koma þeim....það fer að styttast í grill mmmm

Síðustu helgi fórum við á mest brillant sýningu sem við h0fum séð "Gyðjan í skipinu" og er sýningin haldin í vaðrskipinu Óðinn ......Ég mæli eindregið með henni.....algjör snilld.... það eru aðeins örfáar sýningar eftir þannig að ........DRÍFA SIG

Einnig fórum við í skírn hjá litlu skvís hjá Bjarka frænda og Rannveigu, hún fékk nafnið, Embla Þuríður, Þvíllík dúlla og grét sko ekkert við skírnina.....vel upp alin               

Og Næstu helgi verður haldið í fyrirheitna landið eins og sumir kalla það (með réttu)   Og ætlum við þar að aðstoða hjónakornin, Vilborgu og Ella, að gefa gangandi og keyrandi að eta og drekka, þar fáum við sko nasaþefinn af útileigum sumarsins því við ætlum að vera með tjaldvagninn.....brrrrr en gaman    Á klaustri verður haldið hið árlega motorcrossmót og verður mikiððððð af fólki og mikið fjör..

svo með myndirnar sem ég lofaði......já já það er aðeins að tefjast, ætlaði að renna í það annað kvöld en ætla sko til Unnsu í smá CUT......þannig að myndirnar koma síðar og þar af eru myndir síðan þarsíðustu helgi þar sem ég fór með Sindra Þór, Skafta bróðir og Hafdísi systir í sveitina til ömmu, þar var sko vel tekið á því í sveitamennskunni.....

Ég ætla að láta þetta duga í bili...................þori ekki meir ef skyldi að það myndi slá út aftur...tek sko enga bévítans áhættu

Skrifumst síðar

Kveðja, Lóló 

Guten tag

Reyndar þegar ég skrifa þetta þá er komið langt yfir minn svefntíma.... aðeins að svindla

Jamm helgin er búin að vera rosa fín, Örninn fór í gær og keypti timbur fyrir stóra og flotta pallinn okkar og í dag var byrjað á gera úthringinn...það gekk alveg glimrandi vel, hann Gunni var með honum í þessu....takk fyrir það Gunni

Þetta er svo svakalega smitandi.... reyndar vorum við búin að ákveða að gera pall í sumar en svona fljótt, það vorum við ekki viss um... Pabbi minn byrjaði um daginn að girða og þá kom þetta... smitið kom yfir og við drifum okkur bara í málið.....bara frábært

Þannig að í sumar verður hægt að grilla og hafa það notalegt á pallinum, betra gerist það ekki

En smá skrif í dag.... það er alveg ágætis byrjun....

Ég lofa að skrifa aðeins meira næst

Já og svo koma inn nýjar myndir í vikunni.... ég læt ykkur vita

Kær kveðja

Lóló

Já kominn er dágóður tími síðan ég skrifaði síðast.  Margt hefur gerst en lífið verður að reyna að halda áfram þó erfitt sé.

Tvíburarnir komust í fullorðinstölu um daginn þegar þau fermdust í Selfosskirkju og þao voru svo ánægð, þetta reyndist vera góður gleðidagur.

Páskarnir fóru í góða afslöppun í bústað í munaðarnesinu með góðum vinum, Sindri Þór og Brynja Líf urðu reyndar lasin en við höfðum það samt alveg rosalega gott og borðuðum góðan mat… að hætti Svandísar Báru. Takk elsku dúllurnar mínar fyrir páskana.

Nú er víst sumarið gengið í garð. Ég, Sindri Þór og Lúsí fórum ásamt Írisi Mjöll og Patton í góðan göngutúr á Sumardaginn fyrsta, fórum útí kirkjugarð og kveiktum á kerti fyrir mömmu mína og pabba Írisar…ohh það var svo gott og þvíllík værð sem kemur yfir mann…Takk Íris mín fyrir daginn í gær )

Ég hef nú ekki mikið að segja núna en ég skrifa bráðlega aftur

Knús til allra

Kveðja

Lóló

Jamm ekki hefur gerst neitt í skrifunum þessa dagana og samt er margt búið að vera á seyði...

Þarsíðustu helgi var myndakvöld hjá Grímsfjallaferðalöngunum og sáust margar skemmtilegar myndir.. Byrjaði kvöldið á æðislegum grillmat a la Egill og var það frekar gott... nokkrir bjórar voru teigaðir og enduðu stelpurnar á æðislegu kvöldi á Pakkhúsinu með engum öðrum en Geirmundi í fararbroddi... Við Vilborg og Fjóla dönsuðum gjörsamlega úr okkur vitið.. ekki leiðinlegt það Já og hér með óska ég eftir myndum af okkur kellum með Geirmundi "vini" okkar... hehe

Nú helgin sem var að líða byrjaði rólega hjá okkur fjölskyldunni, Við Sindri Þór kíktum á fjölskylduna í Laufhaganum og þar var leikið soldið áður en við fórum svo heim og var þá Örninn í essinu sínu að gera allt voða voða fínt heima... dugnaðurinn í mínum

Á sunnudeginum gerði ég það sem ég hélt að ég myndi aldrei gera...fór með peyjann í sunnudagsskólann Það var nú bara frekar gaman...Sungum alveg fullt um Jesú                           á eftir hittum við Svandísi Báru og Brynju Líf og fórum við í hádegismat á Hróa og enduðum í bíó með krakkana..það var sem sagt frumraun beggja.. og gekk þetta æðislega vel og var mjög gaman..ekki skemmdi fyrir að Inga Sól var þar líka og fannst Sindra það æðislegt...Takk Svandís Bára og Brynja Líf fyrir frábæran dag

Já kannski ástæðan fyrir því að við vorum grasekkjur þennan dag var vegna þess að kallarnir fóru í leiðangur á fjöll,til þess að sækja þar Ford sem skilinn var eftir...alls ekki vegna þess að bilun var til staðar heldur vegna lélegrar færðar og ekki góðra dekkja...var það ekki nokkurn veginn svoleiðis Íris Mjöll

Gekk sú ferð aðeins lengra en á Þingvelli vegna brjálaðs veður pg var haldið heim á leið...allir frekar ísilagðir...brrrrr

í þessum hóp voru:Maggi,Íris,Össi,Jón Þór,Orri,Ívar og Óskar

Í gær var svo tilraun 2 og gekk hún barasta ágætlega...þeir náðu Fordinum og héldu heim á leið ennn ekki alla leið (ekki allir) því smá grjót varð í vegi fyrir einum og brotnaði þar með afturhásingin og ekki nóg með það, heldur eru sömu eigendur á báðum þessum bílum...semsagt Ford og þeim rauða.. æjæj  

í þessum leiðangri voru:Össi,Maggi,Ívar,Haukur,Orri ogSvenni

Önnur ferð er áætluð um leið og veðrið verður betra og bíða menn bara átektar.....og ég beið og ég beið og beið

En í þeim orðum (eða kílómetrum) sem þeir voru að lenda heim (um kl 5 í morgun) þá héldu aðrir hraustmenni upp á fjöll að sækja 2 bíla og gekk það allt vel hjá þeim.... í þeim hóp voru Egill, Gummi E, Hjalti og Gaui....

Allt er nú gott sem endar vel og bráðum endar vel

Ég skrifa frekari fréttir síðar....en á morgun ætla ég að fara á frænkukvöld og fá eitthvað gott í magann hjá Díönu frænku

Later

kv Lóló

Er aðeins búin að bæta við myndum..

og endilega skrifið comment eða í gestabókina því ég er forvitin eins og sumir vita og því langar mig að vita hverjir eru á vappinu :0) Takk so mikið

Tékkaðu á því.....það koma fleiri inn...ég læt vita :0)

Kv Lóló

Heil og sæl

já ég er komin heim...váá..Þetta var alveg frábært.   Ferðin hófst á föstudagskvöld eftir smá bita frá MR KFC, en fyrir hönd annarra kvenna með mér í hóp..Þá mælum við ekki með svona mat fyrir ferð.

Strauið var tekið á Geysirinn,þar sem ferðin byrjaði frekar vel..jamm ég ætla að segja frekar vel..við fórum í góðum fíling inn á Geysi að nota wc og röltuðum síðan að kagganum...rosa gellur á leið í kvennaferð...togað var í hurð...svo var horft hver á aðra...góða spurningin spurð "hvar eru lyklarnir" og svo var hlegið..jamm "þeir eru INN Í bíl", ferðin semsagt byrjaði VEL, við læstar úti En köld eru kvennaráð..fórum inn, fengum að láni eitt stykki testastrón og vír með því og seisei við komnar inn í kaggann og brunað af stað. jeiii   Er komið var á kjalveginn þá blasti við okkur, enginn snjór en mikil hálka og ákváðum við því að taka okkur smá hálfsnúning og gekk það vel...ég var nú undir stýri og ég kann mitt fag..ekki satt???    Þegar vel var komið áleiðis,læddist að okkur eitt stykki patrol sem reyndist vera Agnes, og leyfðum við henni (af góðmennsku) að fara framúr og hvarf hún með því sama :0)

Hveravellir buðu okkur velkomnar um 23:30 og var tekinn upp 1sti bjór með þessum þvíllíka sælusvip en það dugði ekki lengi ALLAR já allar voru sofnaðar fyrir kl 01:00..

Þá var ekkert annað gert en að taka laugardaginn snemma.. rokið var á lappir um 9, og var ákveðið að þær sem vildu fara að miðju myndu fara þangað og nokkrar ætluðu að taka strauið að langjökli og athuga færð þangað fyrir þær sem ætluðu jökulinn heim á sunnudag...

Við fórum með miðju hópnum...alls í þeim hóp voru 10 bílar.. ferðin byrjaði vel...nánast enginn snjór en þegar aðeins lengra var komið þá urðu skaflarnir fleiri..og náðu margir að festa sig sem var bara fínt...smá aksjón..það verður að fylgja...  Síðan fór þetta að verða soldið laaangt...það voru bara alltaf einhverjir að festa sig og var leiðin að verða ansi seinfarin.. ákveðið var að fara aðeins að Ingólfsskála og snæða þar og snúa við vegna tímaleysis..

Bakaleiðin byrjaði vel en þeir sem festu sig ekkert á leið inn úr fóru að festa sig núna og öfugt......Sá rauði brunaði áleiðis upp brekku en rann frekar mikið til hliðar.. en allt var frekar með kyrrum kjörum í þeim bíl þangað til að opnað var fyrir talstöðina og sagt mjöög róólega.."ég er í sjálfheldu"....Mjallan reddaði málunum og gerði það virkilega vel ....ferðin hélt áfram en þegar var langt komið þá fór fallegi sjeffinn að stríða..hann ætlaði að taka eina festu, hann bara ætlaði að láta draga sig og verða sá síðasti...en þrjóskan í bílstjóranum gaf honum ekki færi á því og með miklum hvatningarorðum frá Svandísi þá hafði hann sig loksins upp og með miklum og flottum tilþrifum þá varð hvíti fallegi sjeffinn fyrstur og var mikið klappað í þeim hvíta

Loksins var komið að skála um 21 og voru allir mikið fegnir að vera komnir...2 eða 3 bílar fóru í björgunarleiðangur að kerlingarfjöllum, því frést hafði frá neyðarlínunni að jeppamaður sæti þar vel fastur og væri ekki leiðinlegt ef meðlimar í kvennaferð myndu nú bjarga manngreyinu...en allt kom fyrir ekki... reyndist maðurinn vera í 1200m hæð og vera skíðagöngumaður og náðu vélsleðamenn honum.. allt er gott sem endar vel... 

Matur var borinn á borð um 23 og var þetta alveg æðislegur matur og við fengum líka eftirrétt (aldrei hef ég fengið eftirrétt á fjöllum..nema ef bjór er talinn eftrréttur :0)    Síðan var tekinn upp bjór og spjallað, þegar sá bjór var búinn þá var annar tekinn upp..en það gekk sko ekki alveg svona koll af kolli..þá kíkti í heimsókn þessi þreyta sem við köllum og haldið var til náða...ég veit hvað þið eruð að hugsa..SUCKERS..án allra karla og buru og við farnar að sofa...En hún Sigga hélt upp heiðri hvíta sjeffans og fór með þeim síðustu að sofa... Daginn eftir var vaknað og kíkti þá i heimsókn Samviskubitið..sem hvíslaði í eyrun...WHY..WHY..bara tveir bjórar..puffff 

Haldið var á heim á leið um kjölinn...en ekki var mikið hlakkað til að keyra í snjóleysu og hálku heim en viti menn kjölurinn var bara með fullt af snjó og náði hvíti sjeffinn að festast.. á kjalveginum..hahaha...Hláturskast var tekið í þeim hvíta og reynt að kalla upp þann rauða um að veita okkur einn vænann drátt en við náðum ekki upp einu orði..En Íris á þeim rauða kallaði upp að hún væri kannski búin að rústa millikassanum..og með þeim orðum fylgdi hlátur..Við rauðkurnar stukkum yfir og kom þá í ljós að Íris er ansi sterk, hún sem sagt braut hlífina sem er um stöngina ......sá hvíti fékk sér drátt og haldið var áfram ferðinni eftir góðan hlátur... stuttu síðar stoppaði Cruiser sem var með okkur í för..(by the way,hann er gamli líkbíllinn í rangárvallasýslu) kom þá ljós að bölvuðu loftpúðarnir héldu engu lofti og hrundi allt undan... OG hvað gera kellur þá

Drullutjakkurinn var tekinn undan Súkku sem var með í för og bíllinn tjakkaður upp og málið lagað..söss söss ekkert mál fyrir kvennslur.....  

Þá er kannski málið að við höfum þá eitthvað að gera í ferð með köllunum ekki satt??????

úff þetta er orðin ansi löööng skrif hjá mér... Ég ætla að setja inn myndir í kvöld...   Og Elli minn eins og þú heyrir elskan þá er mar frekar klár í þessu...ííííhhaaaa... Og minn hvíti plummar sig vel í höndum kellu hehehe en takk samt fyrir að  bjóða fram Móparinn ég hefði vel þegið hann ef ég hefði þurft á einhverjum með testastón til hjálpar :0)

Þangað til næst

Kv Lóló og sjeffinn

Sæl verið þið

Ég hef bara ekkert komist í að skrifa eitt eða neitt hingað inn... get það varla núna því það er kominn ansi mikill spenningur í mallann vegna ferðarinnar..já stelpur nú gerist það..NO turning back..  Brottför er á eftir kl 1800..jamm þetta verður nú gaman..hef enga trú á öðru...EN kem með þá sögu eftir helgi..

síðasta helgi...úfff....þá var ansi gaman...fórum í Hólaskjól og keyrðum um í þessu alveg frábæra veðri..Já það er rétt að það var yndislegt veður..Sól og alles..það er reyndar góð blanda við einn kaldann mmmm. Svo var náttúrulega árlega snjóþotukeppnin og þar fóru Örninn og Gauinn saman,héldust í hendur, en unnu ekki, hann Jósi fór með sigur af hólmi en mér fannst nú best tilraunin hjá honum Elíasi..hann var með rugguhest..það sem þessum manni dettur í hug

um kvöldið var þessi dýrindisþorramatur frá Sölva á Selfossi og var vel etið..og svo var vel drukkið..en nóg um það.. Það var allaveganna rosa gaman..bíð spennt eftir næsta fjöri :0) 

Reyni að setja inn myndir eftir helgi...Þangað til næst        Hafið það gott um helgina..ég ætla að gera það

Kv Lóló

Í gærkvöldi hittumst við 4 af 6 stelpunum, sem förum saman á tveimur fallegum Cheeroke bílum í kvennaferðina, við vorum að reyna að setja eitthvað niður á blað um þessa ferð...eitthvað skemmtilegt..til þess að getað haldið heiðri suðurlandskvenna á lofti..jamm það tókst...aðeins...Allavega er eitt sem við ákváðum sem verður mjög flott..En ég ætla ekki að upplýsa það hér og nú..Ég ætla frekar að setja inn myndir af því þegar ferðinni lýkur og þurfa því allir að bíða spenntir mmuhhaaaa

annars er ekkert að frétta, Sindri Þór fer til afa Gunnþórs og ömmu Betu annað kvöld....því við ætlum að leggja af stað eldsnemma á laugardagmorgun til þess að vera komin á góðum tíma í Hólaskjól...tökum skötuhjúin Sæunni og Guðjón upp í Pétursey.... Sindri á eftir að hafa það mikið gott í Erlurimanum.. vera í bílskúrnum hjá Afa það er skemmtilegast..hjálpa afa að sprauta bílskúrinn eins og Sindri kallar það..sem sagt að þrifa gólfið... hann er svo yndislegur

jæja læt þetta duga í bili...kem með ferðasögu eftir helgi

Já og Mjallan mín takk fyrir kökuna í gær

Kv Lóló